ऐकर लाभ सिर्फ आशा के मिलतई

जिला शिवहर, प्रखण्ड डुमरी कटसरीmw, पंचायत नया गांव पूर्वी, गांव धनहारा, वार्ड नम्बर ग्यारह, आंगनवाड़ी केन्द्र संख्या 26 के सहायिका रंजू देवी सात गो टी.वी. के मरीज के कोर्स के अनुसार दवाई खिललथिल। लेकिन उनका स्वास्थ्य विभाग से एको गो रूपईया न मिललई।
इ कहलथिन कि हम सदर अस्पताल में इलाज करावे आयल रही त मालूम भेलक कि जे लोग टी.वी. के मरीज के दवाई खिलईथिन उनका स्वास्थ्य विभाग से रूपईया देल जतई। हम अपना गांव में सात गो टी.वी. मरीज के जिला से कोर्स के अनुसार ढ़ोके खिलईली। दवाई के खाली डिब्बा सब भी जिला में ले जाके जमा कर देली। लेकिन ओकर कागज अभी भी हमरा घरे में रखल हय। कारण कि हमरा कार्ड भरे के कोनो जानकारी न हय कि केना कार्ड भरतई। जेई कारण एको गो रूपईया न मिललई। अपन रूपईया खर्चा करके भाड़ा लगाके दवाईयो लईली। अभी भी टी.वी. के मरीज मिलईय त अही के लेल दवाई न लबई छी।
टी.वी. रोग विशेषज्ञ डाॅक्टर कृष्णानन्दन सिंह कहलथिन कि इ लाभ आशा के देल जाई छई। उ आशा न छथिन उनका केना लाभ मिलतई? अगर टी.वी. के मरीज के दवाई खिललथिन त ऐकर रूपईया के लेल ए.एन.एम. अउर प्रखण्ड स्वास्थ्य प्रभारी के हस्ताक्षर रहतई तब देल जतई।