ऐई टिकट से की हई लाभ

टिकट लगबईत कर्मी
टिकट लगबईत कर्मी

जिला सीतामढ़ी, प्रखण्ड बथनाहा थाना के सामने सड़क पर पुलिस टीम द्वारा दु चक्का से लेके दस चक्का तक के गाड़ी जांच कयल जा रहल हई। ओई के बाद गोपनीय नम्बर गाड़ी पर चिपका देई छथिन। इ अभियान लगभग एक-डेढ़ महिना से शुरू हई। ताकि गाड़ी चोरी पर रोक थाम हो सके।
टेम्पू चालक अशोक, विनोद सब कहलथिन कि हम सब पांच दस साल से गाड़ी चला के घर परिवार चलबई छी। झुठ-मुठ के अभियान चला के रूपईया लुट रहल हई। उहो छौ महिना के लेल ही हई अउर छौ महिना के बाद की होतई पता न हई।
प्रखण्ड के थानाध्यक्ष विशाल आनंद कहलथिन कि इ अभियान जिला अधिकारी अउर एस.पी. के आदेश से हो रहल हई। जे काम बाहरी टीम कर रहल हई। इ टिकट पर कुछ गोपनीय नम्बर हई। जे मिट न सकई छई।
एस.पी. नवल किशोर सिंह कहलथिन कि इ अभियान ऐई के लेल चलायल जाई छई कि गाड़ी चोरी होतई त ऐई टिकट से पहचान कयल जतई। रूपईया के लेल गाड़ी चालक से शिकायत हई त इ अभियान बंद कर देल जतई।