एस. पी. से नियाव खे गोहार

IMG_3150

जिला महोबा, कस्बा महोबा, बिच्छू पहाड़ी। एते काशीराम कालोनी नम्बर दस की रहें वाली शाहजहां ने बताओ में अपने दामाद से बोहतई परेशान हों माओ दामाद बिटिया शकीना के साथे बोहतई मारपीट करत हे। जीसे में बांदा एस. पी. खां दरखास देके नियाव खे गोहार लगाई हे।
शाहजहां ने बताओ कि में अपने बिटिया खे शादी छह महीना पेहले आरिफ के साथे करी हती मेने अपने हेसियत से दहेज दओ हतो पे आये दिन ऊ हमसे ओर रूपइया खे मांग करत हे। हम कोनऊतान से मुर्गी बकरी पाल खे अपनो पेट पालत हें। हमाओ दामाद तो बोहतई खराब निकरो ऊ शराब पियत हे ओर शादी खां बहाना करखें बिटियन खां बेंच देत हे। मोई बिटिया शकीना भी बिकत-बिकत बची हे। शकीना ने बताओ कि मोओ आदमी मोये कमाये खो बहानो करके दिल्ली ले गओ। ओते में अपने बेचे खी बात करत सुनी तो शोर शराबा मचाओ ओर में भग आई। दस दिन पेहले ऊ मोओ जेवर ओर मोबाइल बेंच खे भग गओ हे। मेने अपने मताई के साथे 26 अप्रैल 2013 खे बांदा एस. पी. खां दरखास दई हे। काये से ऊ ई समय बांदा में हे। बांदा एस. पी. उदय शंकर जायसवाल ने बताओ कि जा मामला खे जाच के बाद कार्यवाही करी जेहे।