एस.पी.से नियाव के मांग

jaspura 4जिला बांदा, ब्लाक जसपुरा, गांव जसपुरा। हेंया के गोमती निषाद का आरोप है कि पन्द्रह साल से वा गांव के सत्यरूप सिंह का आपन पति मान के साथै रहैं। अब वा वहिका घर से निकाल के हिस्सा नहीं दे चाहत आय। यहिसे वा 22 सितंबर का एस.पी. से नियाव के गोहार लगाइस है।
गोमती का कहब है कि पन्द्रह साल से मैं सत्य रूप सिहं के साथैं रहत हौं। मोरे एक लड़की दुई लड़का हैं। जबै मैं अपने दुई लड़कन का हिस्सा मांगेंव तौ वा घर से निकरैं चाहत है। हिस्सा के बात करैं मा मारपीट अउर गाली गलौज करत है। पूरा गांव या बात का गवाह है कि मैं पन्द्रह साल से वहिके साथैं रहत हौं। तिन्दवारी थाना मा रपट लिखावैं गईंव, पै पुलिस रपट नहीं लिखिस आय।
अपर एस.पी.आशुतोष शुक्ला कहिन कि उनके जानकारी मा या मामला निहाय।
पति सत्यरूप सिहं का कहब है कि वहिका सब हिस्सा मिली। वा झाूठ आरोप लगावत है।