एम्बुलेंस चलै के मांग

8जिला बांदा, ब्लाक नरैनी, कस्बा फतेहगंज। हेंया के नवीन प्राथमिक स्वास्थ्य केन्द्र मा या क्षेत्र के मड़ई एम्बुलेंस के मांग करत हैं। नरैनी सामुदायिक स्वास्थ्य केन्द्र मा दुई एम्बुलेंस तौ हैं, पै या क्षेत्र मा ना आवैं से मड़ई समय से मरीज लइके अस्पताल नहीं पहुंच पावत आय।
ड़ढवामानपुर के मजरा बजरंगपुर का वार्ड सदस्य चलाकी लाल के साथै रामकेश, सुनील, रमेश अउर साधूराम कहिन कि अगर या क्षेत्र मा बसे साठ गांव के बीच मा एक एम्बुलेंस होई जात तौ आराम होई जाय। कउनौ मरीज गम्भीर बीमार होत है तौ जल्दी मरीज अस्पताल नहीं पहुंच पावत आय। काहे से शाम 5 बजे से साधन चलब बन्द होई जात हंै। गोबरी गोडरामपुर तक डिलेवरी होय वाली मरीज बैलगाड़ी से जल्दी नहीं पहुंच आवत है। जबै तक गाड़ी का इंतजार करत हन तौ डिलेवरी घर मा या रास्ता मा होई जात हैं। अपर सी.एम.ओ. ओ.पी. माहौर कहिन कि ब्लाक स्तर मा एम्बुलेंस चलैं का नियम है तौ नरैनी सामुदायिक स्वास्थ्य केन्द्र मा भी दुई एम्बुलेंस एक सौ आठ नम्बर अउर एक सौ दुई नम्बर चलत हैं। या नियम के हिसाब से फतेहगंज नवीन प्राथमिक स्वास्थ्य केन्द्र मा अलग से एम्बुलेंस नहीं दीन जा सकत हंै। एम्बुलेंस वा क्षेत्र नहीं जात है तौ या समस्या खातिर लखनऊ मा सूचित कीन जई।