एक साल पहिले पास, अबै तक नहीं बना

Exif_JPEG_420

जिला चित्रकूट, ब्लाक मानिकपुर, कस्बा मानिकपुर। हिंया के मड़इन का आरोप हवै कि शमसान घाट नहीं बना हवै। यहिसे मड़इन का लगभग तीन किलो मीटर दूर जाये का परत हवै। किरहा तालाब के लगे एक साल पहिले शमसान घाट बनै का पास होइगा रहै,पै अबै तक नहीं बना हवै।
देवानंद, अवधेश मूलचंद्र अउर गनेश प्रसाद का कहब हवै कि महंगाई इनतान के हवै। गरीब मड़इन के लगे येत्ता रुपिया नहीं रहत हवै कि लकड़ी खरीद के लगा सकै। अगर शमसान घाट बन जाये तौ थोइ सहारा होइ सकत हवै। यहिसे शमसान घाट बनवावैं के मांग मड़ई राजापुर टाउन एरिया मा करिन रहै। शमसान घाट बनै का पास भी होइगा रहै। एक साल होइगा, पै अबै तक शमसान घाट नहीं बना हवै।
मानिकपुर टाउन एरिया के बाबू राधेश्याम वर्मा का कहब हवै कि शमसान घाट बनवावैं खातिर जनवरी के महीना मा डी.एम. नीलम अहलावत का लिखित दरखास दीन गे हवै। रुपिया आ जई तौ बनीं।