एक समस्या खत्म त दोसर शुरू

विद्यालय में भरल पानी
विद्यालय में भरल पानी

जिला शिवहर, प्रखण्ड तरियानी, सलेमपुर मध्य विद्यालय। इहां के समस्या पहिले रहलईय कि पुरे आंगन पानी भर जाईत रहलईय। पर अब जब आंगन में मिट्टीकरण होलईय त कमरा अउर बरामदा में पानी रहई छई।
मध्य विद्यालय के प्रधानाध्यापक गणेश झा अउर सहायक शिक्षक असगर अली, नागेश्वर कहलथिन कि ऐई विद्यालय में कोई न कोई समस्या लगले रहई छई। केतना दिन त विद्यालय के आंगन में पानी के परेशानी रहलक पर अब जब आंगन भरा रहल हई त आंगन के पानी बरामदा अउर कमरा में भरल रहई छई। ऐकरा ठीक करावावे के लेल मुखिया ठीकदार के दे देले छथिन। उनका आंगन में मिट्टीकरण खरंजा, बरामदा पर कम से कम पंद्रह इंच ईटा जोड़ के भरे अउर विद्यालय के पिछे होके पानी के निकासी के लेल नाला बनवावे के हई।
ठिकेदार सत्येन्द्र कुमार कहलथिन कि एकर बजट लगभग पौने तीन लाख पास भेल हई पर हमरा मुखिया रूपईये न देई छथिन त हम काम कहां से करवाउ। हमरा ग्यारह हजार रूपईया देलथिन जईमें हम मिट्टी गिरवा देलीय।