एक महीना बाद लाग ट्रांसफार्मर स्कूल

fainal2जिला फैजाबाद, ब्लाक मया, गांव सराय बैरीसाल। हिंआ एक महीना से ट्रांसफार्मर जलै के कारण बिजली नाय आवत बाय।
पवन कुमार, त्रिभवन पाठक, राजेष पाठक, उदयभान पाठक बताइन कि हमरे हिंआ एक महीना से बिजली नाय आवत बाय एकदम से नरक होय गै बाय। दिन डुबतै गांव मा अनिहार होय जा थै दिन मा गरमी से बुरा हाल भै रहा थै। मच्छर तौ यतना लागाथिन कि मोहारे पै बैठ नाय जात। प्रधान से कइव बार कहेन यकै अप्लीकेषन विजली विभाग का दै दिया रहा लकिन वऊ लापरवाही करत हइन। जब मिलिहैं इहै कहाथिन कि मांग करे हई अगर मांग करे होते तौ अब तक बन गै हुवत । अबहीं दस दिन भै पूरे गांव कै मनई मिलिके फिर से अप्लीकेषन देहे अहैं। गेदहरन कै पेपर आवै वाला बाय बिजली नाय आवत बाय। पढ़ाई मा दिक्कत हुवत बाय।
विजली विभाग कै एस.एस.ओ. रविन्द्र सिंह बताइन कि 9 अक्टूबर 2013 का नया ट्रांसफार्मर लगाय दीन गै बाय। मांग जिला से कीन जा थै। जब पास होइके आवाथै तब हम गांव मा लगवाय सकीथी।