एक फेज पर जलई छई बिजली

bij
एक फेज बिजली

जिला सीतामढ़ी, प्रखण्ड रीगा, पंचायत सिरौली द्वितिय, गांव समोधि टोला। उहां एक फेज बिजली रहे से कम वोल्टेज रहई छई। जेईसे गांव के लोग के कम रोशनी मिले से बच्चा के पढ़ाई, पंखा, टी.वी. चलावे में दिक्कत होई छई। इहां ट्रांसफार्मर के कमी हई।
उहां के लोग वकील राय, रविन्द्र पटेल, धर्वेन्द्र कुमार कहलथिन कि इहां पंद्रह सौ आबादी हई जेईमें बीस लोग कंज्यूमर छथिन। रामनगरा में पांच केवी के ट्रांसफार्मर में से एक फेज बिजली इहां मिलल हई। एक फेज बिजली के कारण वोल्टेज कम रहई छई। बच्चा के पढ़ाई, पंखा, टी.वी. इ सब चलावे में दिक्कत होई छई अउर पुरे गांव में तार पोल न हई। पचास लोग कंज्यूमर बने चाहई छथिन। मगर एक फेज बिजली के कारण अउर ट्रांसफार्मर न रहे के कारण कंज्यूमर न बनई छथिन। बिजली विभाग से कोई लोग देखे न अवई छथिन। बिजली विभाग के कार्यपालक अभीयंता धिरज कुमार कहलथिन कि जहां पर बिजली के समस्या हई, उहां के लोग एक आवेदन लिखके बिजली विभाग के देथिन तब उहां पर ट्रांसफार्मर अउर तार, पोल लगायल जतई।