एक्सीडेण्ट से मउत परिवार दहशत मा

banda Digwat ganva aksi denta se mot copyजिला बांदा, ब्लाक तिन्दवारी, गांव डिघवट। हेंया का रहै वाला 22 साल का अन्शू 9 फरवरी का शाम लगभग 7 बजे चिल्ला से बाजार कइके आवत रहै। तबै दोहतरा गांव के पास बांदा कइत से आवै वाली तेज रफतार के चार पहिया गाड़ी वहिका रउंद के निकर गे। जेहिसे वहिके दरे मा मउत होइगे। अब उनके परिवार मा दहशत है।
बाप जगदेव अउर महतारी कुसमा का कहब है कि मोरे दुई लड़का रहै अन्शू बड़ा लड़का आय वा बाजार करै चिल्ला गा रहै। का पता रहै कि आज मोरे लड़का साथै इनतान के घटना होई। नहीं मैं न जाय देतेंव। वा गाड़ी वाला यतनी तेजी से गाड़ी चलावत रहै कि मोरे लड़का के दरे मा जान लई लिहिस अउर जब तक कउनौ लड़का के पास आ पावत वा भाग गा। वहिका कउनौ पकड़ भी नहीं पावा। यहिके बाद पुलिस का सूचना दीन गे अउर पुलिस लाश का पंचनामा कइके पोस्टमार्टम खातिर बांदा भेज दिहिस रहै। सात बजे शाम के समय अधेंरा भी होई जात है। या कारन वा जल्दी भाग गा है। अब हम लोगन का कउनौ सहारा दें वाला नहीं रहिगा।
चिल्ला थाना का मुंशी चिन्तामणी कहत हैं कि अज्ञात मा मुकदमा लिखा गा है। अब जांच कीन जई।