एक्सीडेण्ट के बाद लगा दओ जाम

सी.ओ. पुलिस से करत बातचीत
सी.ओ. पुलिस से करत बातचीत
चौराहे पे आदमियन ने लगाओ जाम
चौराहे पे आदमियन ने लगाओ जाम

जिला महोबा। एक्सीडेण्ट को सिलसिला बन्द होंय को नाम नई लेत हे। जभे से इलाहाबाद ओर कानपुर सागर हाइवे रोड बनो हे। तभे से आय दिन कोनऊ न कोनऊ एक्सीडेण्ट होत हे। काय से ई रोड में एकऊ ब्रेकर नई बने हे। जिला महोबा, ब्लाक कबरई, कस्बा कबरई बांदा चैेराहा। एते 20 अगस्त 2014 खा दोपहर 2 बजे ट्रक यू.पी. 78 बी.टी. 2913 तेज रफतार के कारन पेड़ से टकरा गओ हे। जीमें चार आदमी घायल हें। कस्बा के आदमियन ने चैराहा में एक घण्टा जाम लगा के पुलिस प्रशासन के खिलाफ नारा लगाये हे। साथ ही ट्रक में तोड़फोड़ करी हती। जीमें महोबा सी.ओ. संदीप सिंह ने आके आदमियन खा समझा के मांगन खा पूरी करें को भरोसा देके जाम खोलाओ हे।
शशि ने बताओ कि में आपन गुटखा पान की ठिलिया लगाउत हती। एतई आटो को पर्ची काटे वालो मुनीम बेठो हतो। जेसई ट्रक खा हमने आउत देखो तो जल्दी से भगे। चाट की ठिलिया लगायें वालो कन्धीलाल नई भाग पाओ हे। तीन आदमी पेड़ के तरे बेठे हते। ट्रक चाट की ठिलिया ओर पेड़ से टकरानो हे। जीमे कन्धीलाल, मुल्लू, रामसजीवन ओर एक अज्ञात आदमी घायल हो गये हें। इलाज खा कबरई ओर महोबा जिला अस्पताल भेजो हे।
राजरतन ओर कल्लू ने कहो कि ई कस्बा में कहंू ब्रेकर नई बने हे। एते ब्रेकर ओर नो इन्ट्री लगे खा चाही। जीसे दिन में कोनऊ भारी साधन न निकर सके। एते से बांदा कानपुर ओर महोबा को मेंन चैराहा हे। जीमें दिन भर साधन निकरत हे। साथ ही एते खदान के दिन भर पत्थर भर के टैªक्टर ओर ट्रक निकरत हे। एई से जभे तक हमाई मांग पूरी न होहे तो हम जाम न खोलबी। महोबा सी.ओ. संदीप सिंह ने कहो कि दस आदमी इकट्ठा होके महोबा आओ तो एते बे्रकर ओर नो इन्ट्री की व्यवस्था कराई जेहे।