उपकेन्द्र की टूटी बाउन्ड्री

बाउन्ड्री बिना उपकेन्द्र की हालत
बाउन्ड्री बिना उपकेन्द्र की हालत

जिला महोबा, ब्लाक पनवाड़ी, गांव दुलारा। एते पन्द्रह साल पुरानो उपकेन्द्र बनो हतो। जीखे अगांऊ की बाउन्ड्री एक साल से टूटी परी हे। जीखे बनवाये खे लाने ए.एन.एम. ने चार महीना पेहले पनवाड़ी चिकित्सा अधीक्षक खा दरखास दई हे, पे केन्द्र की हालत ऊसई हे।
गांव की धर्मी ओर गेंदारानी ने बताओ कि जा केन्द्र की बाउन्ड्री टूटी होंय के कारन जानवर घुस के बेठत हें ओर गन्दगी फेलाउत हंे।
ए.एन.एम. रेखा बताउत हे कि जभे टीकाकरण करने होत हे तो पेहले ओते सफाई कर्मी खा बुला के सफाई कराउत हों। बाद में टीकाकरण शुरू होत हे। बाउन्ड्री बनवाये खे लाने मेने केऊ दइयां पनवाड़ी सामुदायिक स्वास्थ्य केन्द्र में दरखास दई हे।
पनवाड़ी सामुदायिक स्वास्थ्य केन्द्र के डाक्टर के.पी. सिंह ने कहो कि ओते प्राथमिक स्वास्थ केन्द्र बन गओ हे। जीसे ऊ उपकेन्द्र में कोनऊ काम नई होत हे।
एडीसनल सी.एम.ओ. लाखन सिंह ने बताओ कि जभे सी.एम.ओ. ए.के. श्रीवास्तव आ जेहें तो ओते जे.ई. खा भेज के जांच करा लई जेहे। अगर ओते की बाउन्ड्री टूटी हे ओर बाउन्ड्री की जरूरत होहे तो ओते बाउन्ड्री बनवा दई जेहे।