ई रैली सब पै परा भारी

08-05-14 NaMo in Ambedkar Nagar (web)जिला अम्बेडकर नगर, ब्लाक कटेहरी। षिव बाबा पै नरेन्द्र मोदी पी.एम. 5 मई 2014 आय रहिन। जीतै से पहिले लोगन कै षोषण होत बाय। बसखारी कै रहै वाला पचास साल कै मनईन का एका एक धूप अउर भीड़ मा बिहोष होय कै गिर पड़े तब उनके साथ कै मनई अकबरपुर जिला अस्पताल मा लै गइन हुआ जान निकर गै।
वही नये उम्मिदवार दिनेष श्रवण क्षेत्र, उमेष, दीनअली सिवबाबा कै मनई बताइन कि हरिओम पाण्डेय जब षिव बाबा कै दर्षन करै गइन दर्षन करै कै खातिर झुकिन तवै केहूं जेब से पर्स गायब कै दिहिस। जेहमा दस हजार रुपया अउर कागज पत्र रहा सब चरोय उठा।
खरकपुर कै षेसमणि, रमाषंकर कटेहरी कै बताइन कि नरहरी कै पांच बिगहा पीपर मेन्ट बैठावा गै रहा ऊ सब कचर उठा बाय। यहि तरह से ई रैली जनता किसान, मजदूर पै बहुत परा बाय। सब मनईन कै कहब बाय कि अबही रैली मा ई हाल बाय सरकार बने के बाद तौ मनई कै जियब दुष्वार होय जाये।
मनीस, तारादेवी, अरूण कुमार, विनोद बताइन कि सुबेरे से दोपहर तक एक सवारी अकबरपुर तहसील जाय खातिर नाय मिली रही सब मनई पैदल चल के पहुंचिन। तौवने पै वादा करे हइन कि एक बार हमै मौका दिया हम बिजली, षौचालय रोजगार कै भरमार लगाय दियब।
हरिओम पाण्डेय एम.एल.सी. जिला अध्यक्ष रामप्रकाष यादव, महामंत्री अमरनाथ सिंह, सब षामिल रहिन।