इ समस्या हो जतई दूर

 हंगामा करईत विद्यार्थि
हंगामा करईत विद्यार्थि

जिला सीतामढ़ी, प्रखण्ड बथनाहा में अंचल अधिकारी न हई। जेई कारण जाति आवासीय बनावे के लेल हस्ताक्षर बिना बहुत परेशानी होई छई। ऐई के लेल विद्यार्थी सब 1 दिसम्बर 2014 के हंगामा अउर सड़क जाम कयले रहथिन।
सड़क जाम कयले रमेश कुमार, संतोष कुमार, रंधीर राज लगभग बीसो विद्यार्थी कहलथिन कि हम सब पंद्रह दिन पहिले जाति आवासीय के लेल आवेदन जमा कईली। त कहल गेल कि पंद्रह दिन बाद आवे ला लेकिन अभी तक न बनल। हम सब आरमी के बहाली में जाये वाला छी। जाति आवासीय प्रखण्ड से ही न बनल हई त अनुमंडल में अउर समय लागत। समय से न मिले के कारण काम में दिक्कत होयत। इ हमरा सब के जीवन के सवाल हई।
प्रखण्ड विकास पदाधिकारी वसंत कुमार सिंह कहलथिन कि इ समस्या अंचल अधिकारी के न रहे कारण भेलई। इ के लेल जिला पदाधिकारी से बात कईली त मौखिक कहल गेलई कि जब तक अंचल अधिकारी न अईथिन तब तक जाति आवासीय पर हस्ताक्षर करे के लेल हमरा कहल गेल हई। इ समस्या अब दूर होतई।