इलाज का रूपिया पावैं मा भटकावत विभाग

w mahela punarvaskandar 4जिला बांदा, ब्लाक बडोखर खुर्द,गांव कहला। हेंया के रानी निषाद पोषण पुर्नवास केन्द्र मा इलाज करै मा मिलै वाली आर्थिक मद्द का रूपिया पावैं मा दुई महीना से स्वास्थ्य विभाग के चक्कर लगावत हैं। वहिका रूपिया नहीं मिला यहै से वा 15 सितंबर का तहसील दिवस मा नियाव के गोहर लगाइस।
रानी बताइस कि वहिके लड़का करन का कुपोषण के बीमारी रहै। यहै से वा बांदा मा पोषण पुर्नवास केन्द्र मा 3 जून से लइके 13 जून तक लड़का का लीने भर्ती रहौं। लड़का का इलाज ठीक से होइगा अउर वा नींक भी होइगा, पै वहिका रूकै वाला आर्थिक मद्द का रूपिया नहीं दीन जात है। कइयौ दरकी वा पुर्नवास केन्द्र रूपिया मांगै गे है तौ अधिकारी कहि देत है कि बैंक मा रूपिया भेज दीन है। जबै बैंक जात हौं, तौ बैंक वाले कहत हैं कि अबै रूपिया नहीं आवा है। रूपिया पावै से ज्यादा विभाग के चक्कर काटै मा मोरे खर्च होत जात है।
बांदा पोषण पुर्नवास केन्द्र के प्रभारी डाक्टर सीसीर चर्तुवेदी का कहब है कि रानी निषाद का खाता संख्या गलत है। या मारे वहिका रूपिया बैंक से वापस आ गा है। अब रानी आपन खाता संख्या सही करावै अउर वहिके फोटो कापी हमरे पास जमा करै। तबै रूपिया भेजा जई।