आषा अउर ए.एन.एम. का मिला मोबाइल

19-06-14 - ANM getting mobile in Faizabadजिला फैजाबाद, ब्लाक पूराबाजार। हिआं 17 जून 2014 का सामुदायिक स्वास्थ्य केन्द्र पै 144 आषा कार्यकत्री अउर 20 ए.एन.एम. का मिला मोबाइल अउर सिम कार्ड।
सरायरासी कै आशा कार्यकत्री सपना सिंह बताइन कि आज हमरे सबका मोबाइल दीन जात बाय। राजेपुर कै आषा कार्यकत्री ब्लाक अध्यक्ष माया पाण्डेय, अनीता सिंह बताइन कि हिंआ आशा कै कमीशन कट-कट के मिला थै। अउर कउनौ पैसा अलग से नाय मिलत। 185 आशा बाटिन। मोबाइल कम आवै के कारण सब आषा अउर ए.एन.एम. का नाय मिल पावत बाय। एक सौ पचासी आषा अउर चैबिस ए.एन.एम. बाटिन। जवने मा 144 सेट आषा अउर ए.एन.एम. कै 20 मोबाइल आय बाय।
ए.एन.एम. श्रीमती झिनका बताइन कि हमै एक मोबाइल नोकिया सेट अउर सिम मिला बाय। ई सुविधा ए.एन.एम. अउर आशा कार्यकत्री कै बातचीत करै के ताई बाय। स्वास्थ्य सम्बन्धी या कउनौ जानकारी हुवय तौ बात कै सकाथिन। एक दूसरे कै नम्बर अलग रहे। जवने मरीज का सरकारी सुविधा कै जरूरत होये ऊ फोन पै काल करे मरीज मनई कै पैसा न लागे।
डाक्टर अधीक्षक ए.के. सिंह बताइन कि आषा कार्यकत्री अउर ए.एन.एम. का मोबाइल नोकिया सेट अउर सिम दीन जात बाय। ई लखनऊ से आय बाय। केन्द्र सरकार द्वारा बाटा जाता बाय। ई नम्बर आनलाइन बाय ताकि कउनौ षासन-प्रषासन का कउनौ गांव कै जानकारी हुअय तौ पता कै सकै। ए.एन.एम.,आशा का फिल्ड मा काम कै कउनौ परेशानी हुअय तौ फोन कै सका थिन। फ्री बात होये कउनौ पैसा न लागे।