आशा बदल गे निराशा मा

taja shivpal copyजिला चित्रकूट, ब्लाक कर्वी, कलक्ट्रेट सभागार सोनेपुर। हिंया 24 मई का उत्तर प्रदेश के कैबिनेट मंत्री शिवपाल यादव आय रहैं। उंई कलेक्ट्रेट सभागार मा बइठक कइके लोक निर्माण विभाग के बीस योजन का उद्घाटन करिन। अटठावन लोगन का सोलर लाइट दिहिन हवै।
पिछले महीना अर्की गांव के मजरा करौदिहारी मा लाग आगी से भे नुकसान वाले इक्यावन लोगन का लोहिया आवास के पहिली किस्त दिहिन हवै। या सब तौ ठीक रहै, पै मंत्री से मिलै खातिर किराया लगा लगा के आय रहै पै उनका मिले नहीं दिहिन।
कर्वी के पतौड़ा गांव का सुनील बताइस कि वहिकर अन्त्योदय राशनकार्ड कोटेदार श्याम सुन्दर छोड़ा लिहिस हवै। ऊपर से कहत हवै कि अगर ज्यादा कउनौ से शिकायत करिहै तौ तौ लाख रूपिया का आरोप लगवा कर कसवा देइहौ। यहै से आपन समस्या मंत्री का सुनावै आये रहें है। पै कउनौ जाये नहीं दिहिस आय।
मछरियन गांव के जगदेइया अउर कमला बताइन हमका प्रधान कहिस रहै कि मंत्री से मिलै का हवै। यहै से आये हन हमका एक एक लाइट दिहिन हवैं अउर नास्ता खातिर केला बिस्कुट दई के कहिन की अब जाव। हमार कउनौ समस्या भी नहीं सुनिन हवै।
बसिला गांव से आई दस मेहरिया कहिन कि बिजली तौ दई दिहिन, पै यहिका कसत जलावै का हवै। हमका नहीं पता।
भैसौंधा गांव का रामनारायण का कहब हवै कि 2014 मा शिवपाल आये रहै तौ भदावलपुल के मांग कीन गे रहै। उंई कहिन रहै कि बनवावा जई। या से हम आये रहै है मंत्री जी हमार पुल बनै का कही गे हवै। नेता मंत्री के आवै मा प्रशासन जरूर टाइट होइ जात हवै पै गरीब जनता तौ सड़क किनारे रही जात हवै एक तरफ मंत्री के आवै का उत्सव होत रहै दूसर कइती मौतों का मातम मनावा जात रहै।

रिपोर्टर – मीरा जाटव