आशा कार्यकर्ता तीन महीना से परेशान

जिला चित्रकूट, ब्लाक रामनगर, कस्बा रामनगर, गांव बांधी अउर देंऊंधा। हिंया के आशा कार्यकर्ता का आरोप हवै कि तीन महीना से डिलेवरी केस का रूपिया नहीं मिला। हमका अस्पताल मा रुकै के व्यवस्था नहीं अउर यहिके अलावा कइयौ समस्या हवैं।
कस्बा रामनगर के आशा कल्ली, बांधी गांव के किरन अउर देऊंधा, पुरवा खोर के आशा गनेशिया का कहब हवै कि हमका एक केस मा तीन सौ रूपिया मिलत हवैं, पै वहौ समय से नहीं मिलत आय। हमका एक केस मा दुइ से तीन दिन तक लाग जात हवंै। इं समस्यन खातिर प्राथमिक स्वास्थ्य केन्द्र के प्रभारी नरेन्द्र कुरैचिया से कहित हन, पै वा ध्यान नहीं देत हवंै।
रामनगर प्राथमिक स्वास्थ्य केन्द्र के प्रभारी नरेन्द्र कुरैचिया का कहब हवै कि दिसंबर 2014 का आशा कार्यकर्ता का रूपिया खाता मा भेज दीन गा हवै।