आवेदन पर कोई सुनवाई न

भूमिहीन परिवार के महिला अउर बच्चा
भूमिहीन परिवार के महिला अउर बच्चा

जिला सीतामढ़ी, प्रखण्ड, पंचायत बथनाहा पश्चिमी, गांव बथनाहा गोट। इहां के लगभग अस्सी घर महादलित लोग भूमिहीन छथिन। इहां तक कि जमीन के लेल प्रखण्ड अंचल अधिकारी के आवेदन देले छथिन। लेकिन अभी तक कोनो सुनवाई न हई।
इहां के भूमिहीन लोग दुनाई राम, बिकिया देवी, कपिल माझी, सब कहलथिन कि हम सब महादलित जाति से हति अउर हमरा सब के रहेला जमीन न हय। एक घर में दु तीन भाई रहई छी अउर सब के तीन चार बच्चा भी हई। हम सब गरीब लोग अपन मजदूरी कके केहुना घर परिवार चलबई छी। लेकिन जमीन केना कहां से खरीदु। इहां तक अंचल अधिकारी के पास दु-दु बेर आवेदन देली लेकिन गरीब के समस्या पर कोनो ध्यान देई छथिन।
वार्ड सदस्य नागेश्वर राम कहलथिन कि इनकर सब के आवेदन हम ही प्रखण्ड में लिख के जमा कयले हति।
प्रखण्ड अंचल अधिकारी अनिल कुमार सिन्हा कहलथिन कि हमरा पास जेतना आवेदन आयल हई, नया पुरान हम सब जाॅच के लेल भेज देले हति। इ जाॅच राजस्व कर्मचारी करई छथिन अउर जाॅच में जे लोग भूमिहीन होईथिन उनका वास्कित पर्चा देल जतई।