आवास खातिर गांवन में होत सर्वे

taza bandaजिला बांदा, ब्लाक नरैनी। हेंया के कइयौ गांवन मा डाक्टर राम मनोहर लोहिया आवास योजना के तहत कालोनी खातिर सर्वे होत है। या सर्वे सरकार के आदेश से 6 मार्च 2013 से लेखपाल सचिव अउर प्रधान मिल के करत हैं। जेहिसे गरीब अउर झोपड़ पट्टी वाले मड़इन का कालोनी खातिर जोड़ा जाये।
डढ़वामानपुर गांव के कइयौ मड़ई बताइन कि या सर्वे गलत तरीका से कीन जात है। सर्वे मा कहा जात है कि सरकार का आदेश है कि जेहिके पास झोपड़ पट्टी वाले घर बने हैं उनका कालोनी मिली। जेहिके घरन मा खपरा छावा है उनका कालोनी न मिली।
फतेहगंज कस्बा के भोला अउर गनेश का कहब है कि हमारे क्षेत्र मा चालिस परसेन्ट गरीब अउर झोपड़ी वाले मड़ई हैं। उनका आवास मिलै का चाही, पै लेखपाल के पास इनतान के नेता गीरी करैं वाले मड़ई लाग हैं। जिनके कारन से पात्र मड़ई या योजना का लाभ न पइहैं। दिखितवारा गांव के जमुनिया अउर सूरजपाल महोतरा के रूकमनी अउर निराला बताइस हमरे गांव मा भी कालोनी का सर्वे भा है। मड़इन का पता नहीं चला कि केहिसे पूछके सर्वे कीन गा है। पता निहाय कि केहिका या लाभ मिली। लेखपाल शिवबरन का कहब है कि या सर्वे मा गरीब अउर झोपड़ी वालेन का कालोनी दें खातिर कीन जात हवै।