आर.टी.पी.एस. काउण्टर पर करु आवेदन

अनीता देवी
अनीता देवी

जिला शिवहर, प्रखंड तरियानी, पंचायत बेलहिया, भौडिहा वार्ड नम्बर चैदह। इहां के जयानंद तिवारी बिमारी के कारण एक साल पहिले मर गेलथिन। लेकिन इनका पत्नि के अभी तक पारिवारिक लाभ न मिललइह।
इनकर पत्नि मुस्मात अनिता दवी कहलथिन कि हमर पति पोलियो बिमारी के कारण मर गेलथिन लेकिन अभी तक हमरा पारिवारिक लाभ वाला रूपईया न मिललकह। कबी अंतोष्टी योजना वाला पंद्रह सौ रूपईया मिलल रहे। लेकिन पारिवारिक लाभ वाला बीस हजार रूपईया न मिललकह। एई के लेल पंचायत सेवक के आवेदन अउर मृत्यु प्रमाणपत्र वाला कागज भी जमा कर देली। लेकिन अभी तक कोनो सुनवाई न हई। विधवा पेंषन त दूर के बात हई। हमरा चार गो लड़का हय जेई में एगो त गूगे हई, एगो पागले हई। मजदूरी करके केनाहितो चारो के पालन पोषन कर रहल छी। यदि बीस हजार रूपइया मिलतियई त कुछो दिन त काम चलतियई। मुखिया उपेन्द्र साह कहलथिन कि उ पंचायत सेवक के कागज देले छथिन त उहे न जनतथिन।
प्रखंड विकास पदाधिकारी विनय कुमार सरस कहलथिन कि यदि उनका पारिवारिक लाभ न मिलल हई त मृत्यु प्रमाणपत्र के साथ आवेदन प्रखण्ड में आर टी पी एस काउण्टर पर जमा करथिन त उनका मिल जतई। जहां करके हई उहां त लोग करवे न करई छथिन।