आरोपी पति का भै जेल

mahila mudda final 3 copyजिला फैजाबाद, ब्लाक मसौधा। हिंआ प्रमिका के ताई एक पति अपने गर्भवती मेहरारु कै गला दबाइके हत्या कै दिहिस अउर उनकै शव नहर मा फेंक दिहिन। मामला पूराकलन्दर थाना क्षेत्र के अलावलपुर मजरा साधोपाण्डे का पुरवा मा विवाह भै पच्चीस साल के सुमन के साथे भै। 6 जून का महराजगंज थाना क्षेत्र के नारे गांव के पास शारदा सहायक नहर मा विवाहिता कै शव मिला। पुलिस के पूछताछ मा पति घटना कै वजह अउर हत्या कै बात कुबूल करे अहैं।
क्षेत्र के मनइन कै कहब बाय कि 6 जून का सुबह नहर मा एक युवती कै शव निर्वस्त तैरत देखाय पड़ा। आसपास कै मनई पुलिस का सूचना दिहिन। पुलिस मौका मुआयना करिन। शव मिलै के सूचना पै पुराकलन्दर थाना क्षेत्र के गांव मलिकपुर निवासी फुरदुल चैधरी अउर उनकै बेटवा अजीत भी मौके पै पहुंच गइन। अउर शव कै पहिचान अपने बहिन के रुप मा करिन। बताइन कि अपने बिटिया सुमन कै शादी अलावलपुर मजरा साधोपाण्डेय का पुरवा निवासी जैसराज पुत्र परशुराम के साथे करे रहिन। जैशराज कै उनके रिस्तेदारी मा एक लड़की से प्रेम प्रसंग चलत रहा। अउर वही से शादी करै चाहत रहिन। यही से शादी के बाद से ही सुमन का प्रताड़ित करत रहिन। दहेज कै अउर मांग करत रहिन। छह महीना कै बच्चा रहा हमार बिटिया माइके चली आय रही। एक हप्ता पहिले दवाई कै बहाना कइके बिदाई करवाय लै गइन। बिदाई के बाद सुमन कै कउनौ हाल चाल नाय मिला रहा।
पूराकलन्दर थाना कै एस. ओ. अरविन्द कुमार पाण्डेय बताइन कि लापता युवती कै शव नहर मा मिला रहा। पोस्टमार्टम के ताई भेजा गै बाय। दहेज हत्या कै रिपोर्ट दर्ज कइके पति का गिरफ्तार कइके जेल भेज दीनगा बाय। पति प्रेम प्रसंग मा हत्या करै कै बात शव नहर मा फेकै कै बात स्वीकार करे अहैं।