आय दिन होय छेड़खानी के मामला

जिला बांदा, ब्लाक तिन्दवारी, चिल्ला थाना क्षेत्र के एक औरत के परिवार वालेन का आरोप है कि रामबिहारी अउर रवि कुमार 10 अक्टूबर 2014 का घर मा घुस के छेड़़खानी करिन। यहिके रपट 11 अक्टूबर 2014 का चिल्ला थाना मा लिख गे है।
औरत बताइस है कि 10 अक्टूबर 2014 का हमरे घर मा रामबिहारी अउर वहिकर लड़का रवि कुमार घुस के बइठ गे रहंै। जबै सबै कोऊ सो गा तौ उंई मोर औरत का हाथ पकड़ के घसीट के बाहर लइगा। मैं अपने मनसवा का जोर से चिल्लायेंव तौ मोर मनसवा जाग आवा। रामबिहारी मोहिका लात घूसा से मारिस। इनतान से पहिले भी कइयौ दरकी रामबिहारी मोरे साथै कई चुका है। अगर रपट करैं जात हौं तौ रास्ता मा छेक के मारैं के धमकी देत है अउर गाली गलौज करत हैं।
चिल्ला थाना मुंशी सौराम यादव बतावत हैं कि मारपीट का मामला है। रामबिहारी के खिलाफ धारा 323 (मारपीट) 504 (गाली गलौज) 506 (जान से मार धमकी) आई.पी.सी. लाग है। दूनौ का पकड़ै के कोशिश कीन जात है।