आयरन, कैल्शियम और सेनेटरी पैड निशुल्क मिलना है, पर इनमे से कुछ भी नहीं मिला अम्बेडकर नगर में

जिला फैजाबाद अउर अम्बेडकरनगर किशोरी स्वास्थ्य योजना के तहत किशोरियन का आयरन कै गोली, टीकाकरण के अलावा हर महीना निशुल्क सेनेटरी नैपकीन दिये कै योजना उत्तर-प्रदेश सरकार चलाइस। जेसे प्रदेश कै किशोरी स्वस्थ रहै। काहे से आज कै युवा ही कल कै भविष्य अहै। पर का ई सुविधा मनइन का मिल पावत बाय। तौ आवा जाना जाय हिंया के किशोरियन से। जिला फैजाबाद अउर अम्बेडकरनगर किशोरी स्वास्थ्य योजना के तहत किशोरियन का आयरन कै गोली, टीकाकरण के अलावा हर महीना निशुल्क सेनेटरी नैपकीन दिये कै योजना उत्तर-प्रदेश सरकार चलाइस।जेसे प्रदेश कै किशोरी स्वस्थ रहै। काहे से आज कै युवा ही कल कै भविष्य अहै। पर का ई सुविधा मनइन का मिल पावत बाय। तौ आवा जाना जाय हिंया के किशोरियन से। लक्ष्मी गांव सोनावां अम्बेडकरनगर कै कहब बाय की हिंया कै आशा कबहूं मीटिंग नाय करतिन। न ही कउनौ सुबिधा दियै।  पुष्पा टंडौली फैजाबाद कै कहब बाय की हमरे सबका कुछ पता नाय बाय कबहूं कुछ नाय मिला आवाथिन तौ पैसा मा दियाथिन। रीता आशाकार्यकत्री रीता अम्बेडकरनगर कै कहब बाय की पैड कै कउनौ शुल्क नाय लिया जात। जेतना भी आज तक किशोरियन का वितरित किया गा निशुल्क दिया गा। संतोष पाण्डे आशा कार्यकर्ता कै कहब बाय की सामुदायिक स्वास्थ्य केंद्र पर साल भर से नाय आवत बाय तौ हमरे सब कहां से दी। संजू देवी गाँव नरायनपुर अम्बेडकरनगर कै कहब बाय की जबसे हमै आशा कै पद मिला तबसे हमैं कुछ नाय मिला की हम किशोरियन का दी।साफ़ सफाई के बारे मा जेतना बताय पाई थी बहती स्कूल पै मीटिंग कइके किशोरियन का जागरूक करीथी।  ए.एन.एम. सरिता अम्बेडकरनगर कै कहब बाय की दुई साल से पैड आवत नाय बाय जेसे हमरे स्वास्थ्य केंद्र पै उपलब्ध नाय होय पावत बाय। अब जूनियर स्कूल या प्राइमरी स्कूल से सम्बंधित होइगा बाय। वही माध्यम से किशोरियन का दिया जात बाय।अउर हमरे ब्लाक से नाय मिलत। अंशुमान गुप्ता अधीक्षक सामुदायिक स्वास्थ्य केंद्र मया बताइन की अबहीं आयरन अउर कैल्शियम दिया जात बाय। ई तौ लगातार दिया जात बाय रही बात पैड कै तौ चार-पांच महीना से नाय आवत बाय। प्रशव वाली मेहरारुन के ताई आवाथै उनका बराबर दिया जात बाय।

रिपोर्टर- संगीता

Published on Jul 13, 2017