जादू-टोना, अफवाह, चीन की साज़िश, या फिर कोई खुराफाती शरारत? बुंदेलखंड में भी चोटी काटने की घटनाएं सामने आई

जिला बांदा, गांव पड़ोहरा। बुंदेलखंड मा या समय चोटी काटे के दहशत फैली यहिके कारन मड़ई रात जात के पार करत है। एक महीना से हरियाणा, राजस्था, दिल्ली मा छोटी काटे के घटना होत है। कउनौ यहिका जादू टोना, अफवाह बतावत है। तौ कउनौ चीन देश के साजिश बतावत है।पै शासन प्रशासन यहिका अफवाह बतावत है।
सुनील सिंह बतावत है कि चोटी काटे के घटना अबै तक सुने रहे हन पै जबै आपन गांव मा दुइ मेहरिया के चोटी कटी देखे हन तौ विश्वास भा हवै कि चोटी काटे कि घटना सही है। अनिल सिंह का कहब है कि या साल चोटी काटे के घटना होत है पिछले साल यहिका टांके के घटना होत रहै।
रामसखी बताइस कि हम मंदिर मा बइठ रहे हं तबै एक मेहरिया आयी ऊपर  बेहोश होइ गे  वहिके चोटी के बाल कटे रहे है। रमेश सिंह बताइस कि जादू टोना  न होय या देश के बर्बाद के के चीन के साजिश आय। कउनौ रबड़ लगावे के चोटी कटे के घटना होत है। राजा भैया बताइस कि अक बइठ रहै उंई आपन जूड़ा आगे करिन तौ क्र के गिर गा तबै सब पड़ोस वाले भीड़ लगा लिहिन कि जूडा कसत कट गा। टी.वी अउर पेपर मा तौ रात के चोटी  कटे के घटना बतावत रहै। यहिनतान महोबा जिला के गांव कबरई के मंजरा विशाल नगर मा भी एक मेहरिया के चोटी कट गे है। रानी बताइस कि चारपाई मा परी रहिहौं कूलर चलत रहै तबै सो गइंव जबै मोर नातिन जगाइस तौ चोटी कटी रहै।रानी का मनसवा आल्हा साहू बताइस कि दिन के साढ़े बारह बजे चोटी कटी है।ज्योति का कहब है कि टीवी मा बतावत है कि अफवाह आय पै कउनौ कीड़ा आय आपन बाल खोल के लेटो पै डेर लागत है।बांदा अपर एस.पी.अजय प्रताप का कहब है कि या शरारती मड़इन का काम आय अफवाह फइलावत है।जांच के बाद कुछ कहि सकित हन।

रिपोर्टर- मीरा देवी

Published on Aug 10, 2017