आठवें दिन भी जारी किसानन कै धरना

taza final copyजिला अम्बेडकर नगर। हिंआ 8 जून का भी देशभक्त न्याय पार्टी कै सत्याग्रह अकबरपुर कलेक्ट्रेट पै चालू रहा।
सत्याग्रह कै अध्यक्षता करते समय जिला महासचिव चट्टान रामनरेश पटेल बताइन कि जिला भर मा खनन माफिया अउर भूमि माफिया अधिकारिन से मिलके अवैध रुप से बालू अउर मिट्टी कै खनन करावत हइन। बंजर जमीन सरकारी जमीन व खेती के जमीन मा रात के खनन करायके बेंचत हइन। आलापुर तहसीलदार अउर एस.डी.एम. डी.एम. मिलकेे हाईकोर्ट से खनन रोंक पै आदेश के बादौ चहोड़ा घाट पै बालू कै खनन माफिया द्वारा लगातार चलत बाय। यहि भ्रष्टाचार की ताई अधिकरिन  के सम्पत्ति कै जांच सी.बी.आई. से कराय जाए तौ सच सामने आये।
राष्ट्रीय महासचिव टाइगर रामनिहोर पटेल बताइन कि राष्ट्रीय राजमार्ग बस्ती टाण्डा बसखारी आजमगढ़ मार्ग दुई सौ तैंतिस पै रायपुर केशोपुर पचपोखरा समहरिया जोतजैना के किसानन का मात्र उन्नीस हजार रुपया प्रति विस्वा के हिसाब से मुआयना दियागै बाय। पूरे जिला मा एक समान रुप से बारह से बाइस लाख विस्वा कामर्शियल दर दिया जात बाय।