आग से खाख लाखन को सामान

kasba sae-aagमहोबा।महोबा शहर के मलकपुरा मोहल्ला में 5 अप्रैल 2013 खें घर में आग लग गई जीमें लाखन को सामान जल के खाक हो गओ। जीसे अब ऊ परिवार भुखमरी से तंग होके सड़कन पे आ गओ हे।
मलकपुरा मोहल्ला के रहें वाले पूजा ओर आदमी महेश ने बताओ कि हम अपने बच्चन खे लेके नीचे के कमरा में सोउत हते। जभे चार बजे ऊपर से खपरा गिरें की आवाज आई तो उठ के देखो। हमाये पूरे घर में आग लग चुकी हती। आग में सबके कपड़े पूरी गृहस्थी को सामान पन्द्रह हजार नगद ओर लाखन को जेवर जलके खाक हो गओ हतो। जभे मोहल्ले वालों ने देखो तो आनन फानन से आग बुझाउन लगे पे आगी नई बुझी आग बुझाए वाली मशीन 101 नम्बर में फोन करो, पे ऊने रांग नम्बर कह के टाल दओ। मशीन न आए पर हैण्डपम्प ओर समर सेबिल से आग बुझाई तभे तक अटारी में रखों तीन बोरा गेहूं बीस किलो चावल, दाल भूसा व बाकी का सारा सामान जल गओ हतो। अब तो हमाये खाए खा अनाज ओर न पेहने खा कपड़ा हम गरीब मजूर अपने बच्चन खा केसे पालहें। लेखपाल गोकुल ने आके मुआयना करो हे ओर कहो हे कि ईखो मुआवजा दओ जेहे। केऊ दइयां तहसील में गओ। हों पे कोनऊ सुनवाई नइयां ।
लेखपाल गोकुल ने बताओ कि कानूनगो ईखी जांच करत हे रिपोर्ट आयें खे बाद ऊखा तुरतई मुआवजा मिल जेहें।