आगी से घर जलके राख

सूरा बताउत समस्या
सूरा बताउत समस्या

जिला महोबा, ब्लाक कबरई, गांव कालीपहाड़ी। एते 10 अगस्त 2013 खे रात में सूरा के लड़का सुखनन्दन के घर में आगी लग गई हे। जीसे घर में धरो भूसा, कण्डा ओर लकड़ी जल गओ हे, ओर एक बछिया जल के मर गई हे, कछु जानवर घायल हो गये  हे।
सुखनन्दन ने बताओ कि रात में मच्छर लगे से धुंआ करके में घरे आ गओ। पता नइयां केसे आगी लग गई। जीमे मोई दो साल की बछिया जल के मर गई हे। ओर पांच जानवर गिरवां तोर के भग गये हते, पे जर गए  हे। सुबेरे जाके देखो तो घर जल के राख हो गओ हतो। प्रधान खे बुलाओ तो ऊने डाक्टर ओर लेखपाल खे फोन करके बुलाओ। डाक्टर आओ, बछिया को पोस्टमार्टम भओ हे, ओर घायल जानवरन खे दवाई दई हे। आगी से मोओ लगभग सत्तर हजार रूपइया को नुकसान भओ हे।लेखपाल रमेश यादव ने बताओ कि ऊखी रिपोर्ट बना के भेज दई हे। जभे ऊपर से रूपइया आहे तो सुखनन्दन खा दैवीय आपदा के तहत 32 हजार रूपइया मुआवजा मिल जेहे।