आगी लील गे बच्चा

गनेश
गनेश

जिला चित्रकूट, ब्लाक मानिकपुर, गांव रामपुर कलायाणगढ़। हिंया रहैं वाले गनेश के घर मा 30 मार्च 2014 का आगी लाग गे। आगी लागै मा दुइ बरस के बिटिया मरगे अउर छह बरस का बेटवा जलगा। यहिके साथै लाखन रूपिया का सामान जल गा हवै। पड़ोस मा रहैं वाली मड़ई आगी का बुझाइन।
गांव के गनेश का कहब हवै कि बसोर जाति के हौं। डलिया टिपरिया बना के परिवार चलावत हौं। 30 मार्च 2014 का घर मा आगी लाग गे। आगी लागै से दुइ बच्चा जल गें एक मरगा दूसर इलाहाबाद मा भर्ती हवै। पता नहीं कि कउन इनतान आगी लगाइस हवै। पहिनै का भी कपड़ा नहीं बचा।
प्रधान इन्द्रजीत का कहब हवै कि गनेश के मदद कीन जई। वहिका एक कालोनी के व्यवस्था करिहौं। मानिकपुर एस.डी.एम. चन्द्र प्रकाश उपाध्याय कहिन-“ जांच कइके मुआवजा देवावा जई।”