आगी लागैं से भा नुकसान

chatrakoot bandhi gonvजिला चित्रकूट, ब्लाक मऊ, कस्बा मऊ अउर रामनगर ब्लाक का बांधी गांव । हिंया दूनौं गांवन के कुछ मडइन के घर अउर दुकान मा आगी लाग गे, पै उनका सरकार कइती से अबै तक मुआवजा नहीं मिला आय।
मऊ कस्बा मा थाना के बगल मा रामचन्द्र रस्तोगी रहत हवै। वहिकर कहब हवै कि 17 दिसंबर का हवै कि आगी लागै से बीस बंडल रुई कफज अलगारी अउर दुकान मा लाग फर्नीचर जल गा हवै। यहिसे गश्हिसे मोर लगभग पांच लाख रुपिया का नुकसान होए हवै।
दिलीप कहिस कि साड़ी के दुकान खोले हांै। सात अंडल साडी़ धरी रहै। पता नहीं कि 17 दिसंबर का कसत दुकान मा आगी लाग गे। आगी लागै से लगभग दुई लाख रुपिया का नुकसान अउर दस हजार रुपिया नगद धरा रहै। वा सबै जल के राख होइगा हवै।
लेखपाल माता बदल जांच कइके लइगा हवै, पै अबै मुआवजा नही मिला आय लेखपाल माता बदल का का कहब हवै कि जांच कइके तहसील मा दई दीन गे हवै सरकार कइती से मुआवजा अई तौ मिली।
रामनगर ब्लाक, गांव बांधी। हिंया के कमलेश गुप्ता अउर संतोष का कहब हवै कि 14 दिसंबर के रात बारह बजे आगी लागा गे रहै हमार कउनौ से दुश्मनी नही रहै। पता नही कि कसत आगी लाग गे। यहिसे दुइ लाख रुपिया का नुकसान होइगा हवै। हमार गरीबी मा आटा गीला होइगा हवै।
लेखपाल रविन्द्र पाल सर्वे कइ लइगा पै मुआवजा नही मिला यहिसे मउ एस. डी एम का लिखित दरखास 13 दिसंबर का दीन लेखपाल रविन्द्र पाल कहिस कि सरकार मुआवजा देई तबै मिली।
मऊ तहसीलदार गुलाब चन्द्र कहिन कि बांधी गांव के कमलेश अउर संतोष के मुआवजा दें खातिर सरकार के लगे रिपोर्ट भेज दीन गे हवै। हुंवा से पास होइ तौ मुआवजा मिल सकत हवै।