आगी लगावैं का आरोप

b atara4 mahila muddaजिला बांदा, ब्लाक महुआ, गांव खम्भौरा, मजरा ठेकेदार तिवारी का पुरवा। हेंया के बृहम्मानंद अवस्थी के औरत पूनम (उमर 22 साल) का 24 नवम्बर का अतर्रा प्राथ्मिक स्वास्थ्य केन्द्र मा भर्ती करावा गा। वा आगी से जल गे रहै।
बांदा शहर का मोहल्ला परशुराम तालाब वहिका मायका आय। पूनम के महतारी सरोज का आरोप है कि पूनम के ससुराल वाले मिट्टी का तेल डाल के आगी लगा दिहिन है। पूनम के साड़ी से मिटटी के तेल के गंध आवत है। पूनम अस्सी प्रतिशत जल गे है। सब जेवर छीन लिहिन है। थोई थोई बातन का लइके बृहम्मानंद लड़की साथै हमेशा मारपीट करत चला आवा है। पांच साल शादी के होइगे लड़की कतौ सुख के बात नहीं बताइस। हमेशा सुनै मा यहै आवा है कि उंई मारपीट करत हैं। बृहम्मानंद दारू अउर जंुआ खेलत है। मना करैं मा कतौ खाना न बनावैं तौ कतौ नींक से काम न करैं का बहाना कइके मारपीट का बहाना ढूढ़त है। अगर नींक से लड़की का इलाज न करइहैं तौ कानूनी कारवाही करबे।
पूनम का चचिया ससुर कहिस कि घटना के समय घर मा कोऊ नहीं रहा आय। मेहरिया मनसवा के लड़ाई मा पूनम खुदै आगी लगा लिहिस है।