आगि लागै से दुई घर जलिके भै राख

जिला फैजाबाद, ब्लाक मया, ग्रामसभा ऊंचगांव। हिंआ 3 जून के शाम तीन बजे बिजली से आगि लागि दुई घर जलि कै राख होइगै।
मटरु, एबरार, नवाब अहमद बताइन कि हम बहिरे रहेन अचानक आगि लागि वहि समय पै खाना भी नाय बनत रहा। कि चिनगारी गै हुवय। बगल से बिजली कै तारगै बाय जवन पहिले से लटकत रहा। घर कै सारा सामान जरिके राख होइगै। लगभग तीन लाख कै नुकशान भै भाय। आग बुझावै के चक्कर मा लगभग दसों मनई चोटाय गै हइन।
प्रधान बताइन कि लेखपाल आय रहिन मुआवजा खातिर लिखके लै गै हइन। विजली विभाग कै जेई रविशंकर बताइन कि विजली से आगि नाय लागि बाय। अउर न तौ तार गिरा बाय। विजली से लागि आग पानी डारै से नाय आवत बाय। अउर न ही आगि पै काबू मिल पावत बाय।