आंगनवाड़ी भवन तैयार

आंगनवाड़ी भवन
आंगनवाड़ी भवन

जिला सीतामढ़ी, प्रखण्ड रीगा, गांव बराही। उहां आंगनवाड़ी केन्द्र संख्या संतानवे के लेल भवन बन के तैयार हई जे विद्यालय में बनल हई। लेकिन अभी उहां पढ़ाई न होई छई।
उहां सेविका बेबी कुमारी कहलथिन कि हम केन्द्र अभी ओई जगह न चलबई ले। कारण कि उहां शौचालय, चापाकल अउर साफ-सफाई न हई। मुखिया के भी ऐकर जानकारी हई। लेकिन उहां पूर्ण व्यवस्थित हो जतई त उहां पर केन्द्र चलतई।
मुखिया शिवचंद्र पासवान कहलथिन कि भवन 2012 से 2013 के एलाॅट में बनलई। जेकर वजट चार लाख साठ हजार रहई। भवन के साथ शौचालय भी बनलई। चापाकल भी रहई लेकिन उहां न रहे के कारण थप हई। रह गेलई साफ सफाई त केन्द्र चलतई तब न साफ-सफाई रहतई।
सी.डी.पी.ओ. अंजू कुमारी कहलथिन कि हमरा सूचना न रहल कि उहां भवन बनल हई। लेकिन उहां से कुछ लोग के द्वारा जानकारी मिलल त एक सप्ताह के अंदर में आदेश देली कि भवन में केन्द्र चालू करे के लेल अपन भवन बन गेल हई त दोसर जगह कयला जतई।