अवैध रुप से चलत नर्सिंग होम सील

जिला अम्बेडकर नगर, ब्लाक टांडा, गांव लालापुर अरजानीपुर। हिंआ 2 जून का केदार नगर बाजार मा स्वास्थ्य विभाग के आशा कै अवैध नर्शिग होम चलावै कै मामला सामने आय।
अरजानीपुर के विद्यासागर वर्मा क आरोप बाय कि हम अपने मेहरारु के इलाज के ताई केदारनगर लता नर्शिग होम मा लाय रहेन। डाक्टर लता के इलाज करत समय हमरे मेहरारु कै हालत अउर गम्भीर होइगै। हालत गम्भीर देखिके लता हमरे मेहरारु का अउर हमका दुई बजे रात के नर्शिंग होम से भगाय दिहिन। हम वहिंसे अकबरपुर नितिन सर्जिकल सेंटर मा लै गयन जहां जांच मा पता चला कि बच्चेदानी फटिगै बाय। लखनऊ लै जाए कै सलाह दिहिन। लखनऊ मा इलाज चलत बाय। यकै सूचना हम इब्राहिमपुर थाना मा दिहन। डीएम के आदेश पै जांच टीम कै अपर सी.एम.ओ. डाक्टर ए.के. गुप्ता जैसे कइयौ अधिकारी छापा मारिन। छापा मा नर्शिंग होम तौ बन्द मिला। लेकिन पीछे डिस्पोजल सिरिंज अउर मेडिकल के कचरा से सूचना सही निकला।
इब्राहिमपुर थाना मा पूंछताछ मा सुमितालता बताइन कि हम इलाज नाय किहेन। दुई बजे रात के साथे न जाए से विद्यासागर कं तहरीर पै 5 जून का आशा सुमित्रालता के खिलाफ मुकदमा अपराध संख्या 98/16 धारा 312 आई.पी.सी. लाग बाय।