अरे! चित्रकूट जिले में तो पुरुष ही सीता है, देखिए इस रामलीला विडियो में

जिला चित्रकूट,कस्बा कर्वी। क्वार के महीना मा हिंया जघा-जघा रामलीला शुरू होइ जात हवैं।रामलीला देखे खातिर आस-पास से बहुतै मड़ई आवत हवैं। धमाकेदार रामलीला मा मनसवा बस काम करत हवैं काहे से मेहरिया का हिंया काम नहीं दीन जात हवै। यहै कारन सीता का रोल भी मनसवा करत  हवै।
राम का रोल करै वाले ओमप्रकाश व्दीवेदी का कहब हवै कि जबै राम का रोल करित हवै तौ ताकत आ जात हवै मंच मा हम कुछ फालतू बात नहीं करित आय।तेरह साल के उमर से मैं रामलीला मा राम लक्ष्मण का रोल करत हौं। जाति के बंधन के कारन पंडित जाति का इं रोल दीन जात हवै। मुसलमान अउर दलित  जाति का नाच गाना का काम मिला हवै।
लक्ष्मण का रोल करै वाला प्रेमचंद्र शुक्ला का कहब हवै कि आपन बाप का रामलीला मा काम करत देख के मोहिका भी शौक होइ गा हवै। मैं सात-आठ साल से राम लीला मा लक्ष्मण का काम करत हौं।अनुज तिवारी का कहब हवै कि मैं सुपरवाइजर के नौकरी करत हौं छुट्टी लइ के आवत हौं तबै हनुमान का रोल रामलीला मा करत हौं। अलग-अलग रोल करे वाले जयप्रकाश तिवारी का कहब है कि मैं रामलीला मा रावण  कुंभकर्ण समेत कइयौ रोल करत हौं

बाईलाइन-नाजनी रिजवी

29/09/2017 को प्रकाशित