अयोध्या में सावन के मेले की तैयारी में शुरू है राम पौड़ी घाट की सफाई

जिला फैजाबाद, क़स्बा अयोध्या। अयोध्या श्रद्धालुअन से भरी धर्म नगरी मा येहि समय सावन कै झूम बाय। अयोध्या मा हर साल एक महीना सावन मेला चलाथै। जेहमा सावन मेला के पहिले अयोध्या के हर घाट कै सफाई हुआथै। जेसे मेला मा आये श्रद्धालु हर घाट पै नहाय सकै। 19 जून से रामघाट कै सफाई हुवत बाय। येहिके मनईन कै तो कहब बाय की केतनी सफाई होय जाए लकिन घाट गन्दा ही रहा थै काहे से सफाई के नाम पै सिर्फ पैसा खर्च हुआ थै। ठीक से सफाई नाय हुवत।

सफाई करै वाले राजेन्द्र बताईन की 19 जून से रामघाट कै सफाई शुरु भे बाय। जेसे सावन मेला से पहिले घाट  साफ सुथरा दिखाए लागै और मनई यहि नहाय सकै। दिलीप मिश्रा कहिन की आधा घंटा अगर पानी बरस जाए तो सारा कचरा नदी मा भर जाथे।

अनंतराम कै कहब  बाय की राम कै पैडी सो पीस बनी बाय। जेहमा कै पानी कभो बाहर नाए निकरत। जेसे पानी कम हुवे से काई जमि जाथे। हिया कौनो रख रखाव नाए बाय न ही येह्मा केहू नहाय। स्यामराजी कहिन की यहि कइयो सफाई कर्मी कै न्युक्ति भे बाय लकिन कभो सफाई नाए हुवत न ही सफाई कर्मी देखाए परै। सब अपने अपने घर कै कूड़ा सामने रख दियाथिन। सब कूड़ा उडिके रामघाट मा ही जाथे। रामघाट येहि लिए बनवाये गए जेसे श्रद्धालु लग अलग नहाय सकै भीर न हुवे। लकिन सुबिधा न हुवे के कारण राम घाट पै केहू नाए नहात सब नदी मा नहाथिन।

रविन्द्र सिंह कै कहब बाय की कूड़ा निकारै के ताई सीवर लाइन से पानी छोड़ा गा बाय। राम के पेड़ी कै पानी डिस्पोजल पम्प से नदी मा चला जाए अउर कूड़ा सब इकट्ठा होये जाए। पाईप लाइन लगावे से कूड़ा आसानी से इकट्ठा होय जाथे। येहि से सीवर लाइन लगावा गे बाय।

02/08/2016 को प्रकाशित

अयोध्या में सावन के मेले की तैयारी में शुरू है राम पौड़ी घाट की सफाई