अयतन मुख्यमंत्री ,करू जल्दी सफाई

nitishमुख्यमंत्री नीतिश कुमार के आगमन पर चारो तरफ बहुत जोर शोर से सफाई हो रहल हई। इ 3 मई 2013 के बाजपट्टी कस्तुरबा गांधी बालिका विद्यालय के उदघाटन करे के लेल आ रहल छथिन।
सरकार के आगमन पर जनता से लेके अधिकारी तक साफ सफाई में लागल छथिन। लेकिन ऐई से पहिले शहर के चारो तरफ गंदगी ही गंदगी नजर अवइत रहलइह। इहां तक कि डीयम कोठी के सामने ने नाला कुड़ा कचड़ा से भरल रहई। ओही रास्ता से सबदिन डियम से लेके सब अधिकारी अवई जाइत रहलथिन। लेकिन किनकरो ध्यान ओई पर न परई। अभी ओई नाला के सफाई हो रहल हई। इहां तक कि स्वास्थ्य से संबंधी बहुुत बात के जानकारी प्रचार, प्रसार, दिवाल लेखन द्वारा, देइत छथिन। लेकिन बिमारी कहां से उत्पन्न होई छई। उहे डुमरा प्राथमिक स्वास्थय केन्द्र के सामने ऐतना गंदगी रहई छई। ओइसे हि सीतामढ़ी लखनदेई पुल के आस पास अतेक गंदगी रहई छई कि महक के कारण नाको न देल जाईत रहई छई। अभी उ जगह मिना बजार के जइसन चमक रहल हई। समाहारणालय चारो ओर चमक रहल हई। यदि अइसने ध्यान अधिकारी लोग के सब दिन रहतिअई त शायद अतेक बिमारी भी न फइलतिअई।
सरकार के दिखावा के लेल इ सफाई हो रहल हई। अइसे ही साफ सफाई अगर हमेशा रहतियई त जिला जगमगाईत रहतियई।