अम्बेडकर नगर में बिजली विभाग की लापरवाही की वजह से चार परिवारों की गृहस्थी जल के राख

जिला अम्बेडकरनगर, ब्लाक भीटी, हिडीपकड़िया गाँव मा 26 अप्रैल का शार्ट शर्किट से चार घर मा आगि लाग गए। जेसे पूरा घर कै सामान जरिके राख होइगा। गाँव के मनई कै कहब बाय कि कइव महीना से तार ढ़ीला परा रहा। कइव बार बिजली विभाग मा सूचना दीन गए पर कउनौ सुनवाई नाय भए। एहि घटना कै कारण बिजली विभाग कै लापरवाही आय।
प्रदीप कुमार सिंह कै कहब बाय कि पांच साल से तार ढ़ीला परा रहा। जुहुरा कै कहब बाय कि अबहीं गेहूं दांय के रखेंन सब जरिगा कवन मेर गुजारा होये। अब खाय रहै के ताई कुछ नाय बचा। गाँव कै ठाकुर खाय के ताई दियत अहैं जबसे आगि लागि। प्रधान कोटेदार कुछ सहयोग अबहीं नाय करे अहैं।
बृजलाल कै कहब बाय कि जब आगि लागि तौ जानवर खोल दीन गा रहा वै बचि गए लकिन सामान कुछ नाय बचा। आगि लागै के बाद बिजली विभाग का फोन कीन गा तब बिजली काटीन लकिन देखै नाय आये। दुई दमकल आगि बुतावे आय रही। बिजली विभाग मा अप्लिकेशन भी देहे रहेन बोलेन जवन पैसा लागै लै लिया लकिन सही कै दिया तबौ नाय सुनवाई भए। आधी आय तार आपस मा टकरान अउर आगि लाग गए।
गयादीन जे.ई. महरुआ पावर हाउस कै कहब बाय कि अप्लिकेशन कै जानकारी आग लागै के दिन मिली। विभाग द्वारा नोट कराय दिए हई। जवन विभाग द्वारा मिले दिया जाये।
भगवानदास गुप्ता तहसील प्रभारी कै कहब बाय कि जाँच के ताई कानूनगो का दीन गा बाय। जवन जांच मा आये तहसीलदार से स्वीकृत कइके सीधे पीड़ित के खाता मा भेजा जाये।

रिपोर्टर- संगीता

03/05/2017 को प्रकाशित