अम्बेडकरनगर जिले के दसवंपुर गाँव में बिजली का तार लगाते समय हुई तार की चोरी

जिला अम्बेडकरनगर, ब्लाक भीटी, दसवनपुर गाँव मा राजीव गाँधी विद्युतीकरण योजना के तहत तार लगवावै के काम शुरू भए। अउर तार लगवावै के समय ही चार बण्डल तार चोरी होइगै। जाँच पड़ताल मा बात सामने आय की बरियावन से अढ़नपुर के बीच ही तार गायब भए। गाँव कै मनई चोरी कै शिकायत भी करिन लकिन कउनौ कार्यवाही नाय भाय।
संजय कुमार तिवारी कै कहब बाय कि जवन जिला से तार आय रहा वही के बारे मा हमरे सब पूंछत हई की तार कहाँ गा। जब हवा चलाथै तौ पूरा फीडर डाउन होय जाथै। चौबिस घंटा से बिजली नाय मिली बाय। हरीराम तिवारी बीजेपी पार्टी कै वरिष्ट नेता कै कहब बाय की लगभग छह महीना से खम्भा लाग बाय। लकिन तार अबही तक नाय लाग। येही बात का लइके हम जांच कै मांग करत हई।
श्रीराम तिवारी कै कहब बाय की दुई महीना होयगा तार आये लकिन कनेक्शन नाय भा।सन 1970 से जर्जर तार चलत बाय। कैलाश गुप्ता कै कहब बाय की लगभग पांच बण्डल तार रहा जेई कहाँ कहाँ लगवाइन येही कै जाँच करावै कै मांग करत हई।
अशोक तिवारी बताइन की जब पुराना ट्रांसफार्मर जाथै तब नया आवाथै लकिन अबहीं तक दूसर नाय आय।संविदा पे काम करै वाले स्टाप के जरिये जानकारी मिली रही की तार बेच लिये अहैं।
जिला अधिशाषी अभियंता इं मुकेश बाबू बताइन की जिला से जेई या एस.डी.ओ. का तार नाय भेजा गा बाय। गाँव कै चयन कइके कंपनी सीधे सामान लाइके अपनी देख रेख मा सीधे क्षेत्र मा काम करावाथै। विभाग वाले चेक कराथे की कहाँ-कहाँ काम भा बाय। कुछ मनई तार गबन कै सूचना देहे बाटे लकिन विभाग से तार नाय भेजा गा बाय।

रिपोर्टर- प्रियंका

15/05/2017 को प्रकाशित