अभे भी हे किसान परेशान

22-07-15 Mahoba Kisaan webमहोबा जिला के किसान आपन हक पायें खे लाने अभे भी लड़ाई लड़त जात हे। ओलावृष्टि ओर सूखा राहत को मुआवजा अभे तक नई मिलो जीसे किसानन ने किसान 21 जुलाई खा कुलपहाड़ तहसील में विशाल धरना प्रर्दशन करो हे।

मुढ़ारी गांव के मुन्नालाल अकौनी गांव के सुन्दर लाल ओर श्याम सिंह कहत हे कि छह महीना से तहसील ओर अधिकारियन के चक्कर काटत हो गये। अभे तक ओलावृष्टि को रूपइया नई मिलो हे। ब्लाक पनवाड़ी, गांव टोलापातर को मानबहादुर कहत हे कि तहसील के कर्मचारियन खा हमने केऊ दइयां पास बुक की फोटो दई हे। नटर्रा गांव को रामकृपाल ओर पहाडि़या गांव को अरविन्द तहसील में रस्सी लेके बेठे हते। कहत हते कि अगर हमें न्याय न मिलहे तो एतई फांसी लगा के मर जेहे। ओलावृष्टि को रूपइया नई मिलो दूसर बैंक को भी कर्ज परो हे। अगर रूपइया मिल जातो तो दुबारा से खेती बो देते।

तहसीलदार राम जी कहत हे कि 2015 को हर गांव में लेखपाल से चेक भेजो गओ हे। जोन गांव में नई मिलो हे तो लेखपाल से लिस्ट मंगवाई जेहे। जल्दी ही किसानन को मुआवजा दओ जेहे।