अब सिम कार्ड का डाली आचार

जिला बांदा। राशन कार्ड का फारम भरैं मा सिम बेचैं का धन्धा जारी है। अब बात या है कि जेहिके पास मोबाइल निहाय उंई सिम कार्ड का, का आचार डरिहैं। पढ़ौ सिम कार्ड खरीदैं वाले मड़इन से खबर लहरिया के खास मुलाकात।
ब्लाक तिंदवारी का गांव शादीमदनपुर के छेद्दी बताइस कि वा राशन कार्ड के फारम भरैं मा डेढ़ सौ रुपिया का नवा सिम कार्ड खरीदिस। सिम कार्ड तब से बंद धरा है। वा गुस्सा मा कहि डारिस कि का, या सिम कार्ड का आचार डाली। जब वहिके पास मोबाइल निहाय।
गांव लोहारी के बल्देव अउर रानी का कहब है कि उंई भी एक-एक नई सिम खरीदिन हैं। उनके पास एक सिम का मोबाइल है दूसर सिम कहां डालैं।
ब्लाक महुआ गांव अजीतपारा का छितिया कहिस-“मैं सौ रुपिया के सिम खरीदे हौंै। बेकार मा सिम कार्ड धरी है।”
जिला पूर्ति अधिकारी गौरव प्रकाश चैधरी कहिन कि मोबाइल नंबर फारम भरै मा बहुत जरूरी है। होई सकत है कि या मोबाइल नंबर से सरकार निगरानी रख सकै कि राशन समय से सबका नियमित मिलत है या नहीं। अगर लोगन का या भी फायदा चाहैं का है तौ मोबाइल भी खरीदैं का परी।