अब भूमिहीन न रह गेली

जमीन मिले से खुश महिला
जमीन मिले से खुश महिला

जिला सीतामढ़ी, प्रखण्ड बथनाहा, पंचायत डायन छपरा, गांव बीसपीट्टी। उहां के सैतालीस भूमिहीन महादलित के सरकारी बासकित पर्चा 15 अगस्त 2014 के मिललई। इ वितरण प्रखण्ड के अधिकारी कलथिन।
उहां के लोग सखिया देवी, ललिता देवी, सब लोग कहलथिन कि हम सब 1993 से ऐही सरकारी जमीन पर बसल छी अउर हमरा सब के अपन खतियानी जमीन न हय। बहुत के जमीन के पर्चा मिल गेलई अउर बहुत के बाकी भी हई। जेकरा कोई सहारा भी न हई उ अभी भी जमीन छेक के रह रहल हई। हम सब त बहुत खुश छी लेकिन जे लोग के बाकी हई उनकरों मिल जतियई त बहुत अच्छा हो जतियई।
प्रखण्ड अंचल पदाधिकारी अनिल कुमार सिन्हा कहलथिन कि एई गांव के लोग के जमीन के पर्चा ऐई के लेल मिललई। काहे कि उ लोग बहुत दिन से सरकारी जमीन पर रहईत रहलथिन। उ बहुत बड़ा सरकारी पलाॅट हई जेई पर सब महादलित लोग ही बसल रहलथिन जेई कारण हमरा सबके जमीन खोजे के न भेलई।