अप्रैल में लगी आग, अभी तक ना मुआवजा ना आवास, चित्रकूट के कुसैली गांव में

जिला चित्रकूट, ब्लाक पहाड़ी, गांव कुसैली 10 अप्रैल का हिंया आगी लागे से लगभग डेढ़ सौ घर जल के राख होइ गे रहै। तबै डी. एम . मड़इन का प्रधान मंत्री आवास देवावे का अउर लड़कियन के शादी खातिर रुपिया दे का कहिन रहै। पै दुई महीना होय के बादौ मड़इन का  न आवास मिले आहीं न शादी का रुपिया मिला आय। जिला चित्रकूट, ब्लाक पहाड़ी, गांव कुसैली 10 अप्रैल का हिंया आगी लागे से लगभग डेढ़ सौ घर जल के राख होइ गे रहै। तबै डी. एम . मड़इन का प्रधान मंत्री आवास देवावे का अउर लड़कियन के शादी खातिर रुपिया दे का कहिन रहै। पै दुई महीना होय के बादौ मड़इन का  न आवास मिले आहीं न शादी का रुपिया मिला आय।  राम बहादुर, राम वती , संजय अउर चन्द्र कली समेत कइयौ मड़ई बताइन कि जबै घरन मा आगी लाग रहै तौ डी. एम. मौके मा आई रहै प्रधान मंत्री आवास दे का कहिन रहै जउन  घरन मा शादी रहै वहिके खातिर रुपिया दे का कहिन रहै पै अबै तक कइयौ दरकी चक्कर लगावे के बाद भी कुछौ कारवाही नहीं भे आय हम गरीब मड़ई पन्नी लगा के रहै का मजबूर हन। सरकार हमार कुछौ सुनवाई नहीं करत आय। शांति देवी बताइस लड़की का शादी कर्जा लइके कीने हौं पै अब तक शादी का रुपिया नहीं मिला आय। रुपिया मिल जात तौ हमारौ गरीबी दूर होई जात अउर हम मड़इन का कर्जा लउटा देइत काहे से कर्जा वाले मड़ई परेशान करत हवै।  प्रधान प्रति निधि चन्द्र भान बताइस कि डी. एम . के लगे कइयौ दरकी दरखास दीने हन पै सुनवाई नहीं होत आय। सांसद भैरो प्रसाद कहत हवै कि मड़ई आपन घर खुद बनावै आवास न मिलिहैं।  अपर जिला अधिकारी विजय नारायण का कहब हवै कि दैवीय आपदा के हिसाब से जेत्ते पात्र मड़ई रहैं सबका मुआवजा दीन गा हवै।

रिपोर्टर- नाजनी रिजवी और सहोद्रा 

Published on Jun 30, 2017