अपर एस.पी. भी भगाइस डांट के

जिला बांदा, कस्बा बबेरु कमासिन रोड। हेंया के प्रीति के 17 अगस्त का दहेज का मामला लइके अपर एस.पी. आषुतोष ष्षुक्ला का दरखास दे आई रहै। वहिका आरोप है कि ससुर अउर देवर दहेज ना मिलै का ताना दइके वहिके साथ मारपीट करत है, पै अपर एस.पी. वहिका डांट के भगा दिहिस है।

प्रीति बताइस कि मोर षादी जून 2013 मा कमासिन के पास मऊ सिकरिहापुरवा मा भे रहै। तबै से दहेज का लइके ससुर राममूरत ननद आरती अउर देवर रोज परेषान करत हैं। पति पारस नाथ मोर साथ देत है,तौ वहिका भी गाली गलौज करत है। 7 अगस्त का ससुरल वाले मारिन पति मोरे पक्ष मा बोला तौ वहिका थाना मा बंद करा दिहिन अउर मोरे ऊपर मिट्टी का तेल डाल दिहिन रहैं। कहत रहैं कि जला के मार देबे। थाना मा रूपिया कुरै देबे हमार कुछ न होई। तबै से मइके मा बनी हौं। मर्का थाना मा हमार कउनौ सुनाई निहाय। पति पारसनाथ कहत है कि मैं महतारी बाप से कहत हौं कि दहेज खातिर यहिका परेषान ना करा मै कमा के दइहौं पै उंई मोहिका भी थाना मा मरवावत है। ससुर राममुरत कहत है कि मैं दहेज के कउनौ मांग नहीं करेवं। पारसनाथ का 25 बीघा जमीन अउर ट्रैक्टर कमाय खाय खातिर दीने है। अबै मोरे पास भी लडकी अउर लडका षादी करैं का है पूरा वहिका दई देव तौ वा का करी इं लोग यहिसे उनका खुद परेषान करे हैं।