अपर एस.पी. दिहिन आदेश

B vilharka 4जिला बांदा, ब्लाक नरैनी गांव विल्हरका, मजरा विदुआ पुरवा। हेंया के शकुन्तला बताइस कि वहिकर पति सरवन आपन लड़का बच्चन का खर्च देखै 21 सितंबर का अपर एस.पी. का दरखास दइके नियाव के गोहार लगाइस है।
शकुन्तला का कहब है-“ पन्द्रह साल शादी के होइगे। मोर माइक नरसिंहपुर आय। सरवन घर से मारपीट के निकार दिहिस। 6 साल से मइके मा रहत हौं। तीन लड़की हैं। उनकर खर्च पानी पति से मांगत हौं तौ वा सबका जान से मारैं चाहत है। तीन महीना पहिले करतल चैकी मा दरखास दीनेव, पै कारवाही नहीं भे। फेर एक महीना पहिले महिला थाना बांदा मा दरखास दीनेव। महिला थाना मा दूनौ पक्ष का बुलावा गा रहै, पै ससुराल से कोऊ नहीं आवा। महिला थाना एस.ओ. एस.पी. के हेंया दरखास दें का कहिन हैं।
सरवन का कहब है कि शकुन्तला का हम नहीं राखैं चाहित। या मारे वा चाहे जहां रहै मतलब निहाय।
अपर एस.पी. आशुतोष कहिन कि करतल चैकी का लिखा गा है कि वा या मामला मा कारवाही करै।
करतल चैकी इन्चार्ज लाखन सिंह कहत हैं कि हमरे हेंया इनतान का कउनौ मामला नहीं आवा आय।