अपराधी खा भई जेल

m mahila muddaमहोबा शहर, कोतवाली क्षेत्र के एक लड़की को आरोप हे की मोहल्ला के कल्लू (पुत्र शलिम) ने छेड़खानी करी हती। जीखो मुकदमा 30 अक्टूबर खा लिखो हे।
लड़की बताउत हे की में 24 अक्टूबर खा घर मे अकेली हती। तभई अकेली जान के कल्लू घर में घुस आओ, मेंने मना करी तो छेड़खानी करन लगो। में जोर से चिल्लान लगी तो मुंह दबा दओ ओर कहो की अगर कोनऊ से बताहे तो ऊखो अन्जाम बोहतई बुरा हो हे। तोये पूरे परिवार खा जान से मार देहो। ओर छोड़के भाग गओ। जभे मताई बाप आये तो सब बात मेंने बात अपने मताई से बताई।
आरोप हे कि रिपोर्ट लिखाउन हम भटीपुरा चैकी ओर कोतवाली गये तो पुलिस ने दूसरे पक्ष से रूपइया ले लय हते जीसे कोनऊ सुनवाई नई भई हे। ओते से डाट के भगा दओ। ईखी दरखास हमने एस.पी. खा दई हे ओर न्याय की मांग करी हे।
भटीपुरा चैकी इन्चार्ज ध्यान सिंह चैहान बताउत हे की मुकदमा 30 अक्टूबर खा लिख गओ हे। धारा 354 (छेड़खानी करना) 552 (घर में घुस के) ओर 506 (जान से मारने की धमकी) ओर पाक्सो एक्ट लगी हे। लड़की डाक्टरी करा अपराधी खा पकर जेल भेज दओ हे।