अपराधियन खा पकर के भेज दओ जेल

m kabrai utiya gao se apradhi photoजिला महोबा, ब्लाक कबरई, गांव उटियां। एते 5 सितम्बर की रात में घर के विवाद खा लेके गोली चल गई हती। जीमें गांव को रामश्रीदत्त तिवारी की मोत हो गई हे।
रामश्रीदत्त तिवारी को भाई दुर्गा ओर शंकर बताउत हे कि हमाओ भाई खेत से वापस आउत हतो। तभई गांव को बलबीर यादव दारू पिये हाथ में तमंचा लये घूमत हतो। बलबीर भाई खा गाली देन लगो। रामश्रीदत्त कछू नई बोलो तो गोली मार दई ओर भाग गये। गोली की आवाज सुनके हम बाहर आये ओर इलाज के लाने अस्पताल ले गये। जिते डाक्टर ने मरो घोषित कर दओ। हमने कबरई थाना में बलबीर
रामदीर ओर के नाम मुकदमा लिखाओ हे।
कबरई थाना के एस.ओ. सुरेन्द्र सिंह यादव कहत हे कि बलबीर ओर रामदीर पकर गओ हे। जोन तमंचा से गोली लगी हे ऊ भी बरामद भओ हे। जल्दी ही चारऊ आदमियन खा पकर के जेल भेजो जेहे।
एसई ब्लाक जैतपुर, गांव बिजौरी को रामलाल ने आपने बाप तांतिया खा गांव के मन्टू, हरिप्रकाश, शिवराम, फूलसिंह ओर नवलकिशोर ने 16 अगस्त खा कुल्हाड़ी से मार के हत्या कर दई हती। ईखी रिपोर्ट अजनर थाना में लिखाई हती। पे अपराधी शिवराम, फूलसिंह ओर नवलकिशोर खुले आम तमंचा लये घूमत हे। बीच रास्ता में तमंचा दिखाउत हे केस वापस लेय ओर राजीनामा को दबाओ बनाउत हे।
सी.ओ. धनंजय कुशवाहा कहत हे कि मेंने जांच करी हे। जांच में मिन्टू ओर हरिप्रकाश अपराधी हते। ऊखे हमने धारा 302 हत्या करना के तहत जेल भेज दओ।