अपने से बनाउ लाभ उठाउ

Kasba - Sitamarhi PHEDजिला सीतामढ़ी, प्रखण्ड रीगा, पंचायत ,गांव सीराही। उहां वार्ड नम्बर चैदह में राम टोला लगभग अस्सी घर हई। जेइमें एक दु घर छोर के कोनेा घर में शौचालय न हई। जेई कारण लोग सब के बड़ा दिक्कत होई छई।
उहां के जीरा देवी, अमृत राम, मंजू देवी, सब कहलथिन कि शौचालय न रहे से बड़ा दिक्कत होइय। अब त केकरो खेतो आरी पर बइठइत देखई छइर्, त खेत वाला गाड़ी देवे लगई छई। सुख रूख में त लोग दूर दूर तक चलइयों जाई छई। लेकिन वर्षात में बड़ा दुःख होई छई महिला के त अउरो बड़ा दिक्कत होई छई। सरकार हमरा सब के कहिया शौचालय बनवा देथिन।
मुखिया विजय कुमार राय कहलथिन कि रीगा में दु गो ही पंचायत निर्मल घोषित कयल गेल ह। उहां शौचालय बनई छई। लाभार्थी के अपने से शौचालय बनावे के हई। फोटो के साथ आवेदन जमा कयला पर सरकार सहयेाग राशि पी. एच.ई. डी. लोक स्वास्थय अभियंत्रण सेदई छथिन। पी. एच. ई. डी. के प्रखण्ड र्कौडिनेटर श्याम कुमार कहलथिन कि अपने से शौचालाय बनावे के हई। उ आवेदन, फार्म, फोटो के साथ देथिन त विभाग से ए. पी. एल. अउर बी. पी. एल. परिवार के चार हजार आठ सौ अउर महादलित के पांच हजार रूपईया सहयोग राशि देल जतई।

लोक स्वास्थ्य अभियंत्रण विभाग सब प्रखण्ड में चल रहल हई। एई विभाग के मुख्य जिम्मेदारियां हई –
– लोग सब के लेल पिये के पानी के प्रबंध करे के।
– गांव स्तर पर स्वच्छता के लेके काम करे के।
– पानी के सप्लाई अउर स्वच्छता के सुविधा के बेहतर बनावे के।