अन्ना जानवरों का करो उपाय , नहीं तो तहसील में ही भर देंगे गाय

जिला चित्रकूट, ब्लाक कर्वी हिंया 25 अक्टूबर का गांव के किसान एस.डी.एम का ज्ञापन दिहिन हवैं। काहे से किसान अन्ना जानवरन से बहुतै परेशान हवैं। सुनवाई न होय मा किसान कहत हवै कि 5 नवम्बर का जानवरन का तहसील अउर अस्पताल मा भर देबै।
किसान रक्षा दल जिला अध्यक्ष शम्भू सिंह चंदेल का कहब हवै कि या समय के सबसे गंभीर समस्या अन्ना जानवरन के हवैं। मड़इन के गाढ़ी कमाई इक पल मा चट कइ जात हवैं।मड़ई रात भर जाग के आपन खेती ताकत हवैं। पै इंजानवरन के मारे कुछौ नहीं बचत आय। इनके खातिर जल्दी से जल्दी गौशाला बनावै के मांग कीन हवैं।
सुरेश कुमार बताइस कि महोबा कइत से मड़ई रात के ठेला मा भर के जानवरन का छोड़ जात हवैं। जेहिसे उंई हमार खेती का बहुतै नुकसान करत हवैं। आमना बेगम कहत हवै कि अरहर बोय रहेन पै कुछौ नहीं बचा। मोरे कउनौ कमाये वाला नहीं आय। खुदै खेती करत हौ पै इं जानवर मोर सब फसल खा जात हवैं।
ललित बताइस कि कुछ मड़ई आपन खेतन के फसल बचावै खातिर तार बांध लेत हवै। पै सब किसान के लगे येत्ता रुपिया नहीं आय कि खेतन मा तार बांध सकै।
उप जिलाधिकारी नरेन्द्र बहादुर सिंह का कहब हवैं कि लोढ़वारा अउर रसिन मा गौशाला बनावे खातिर जघा ढूढ़ लीन गे हवैं। जेहिमा जल्दी काम शुरू होइ जई।

रिपोर्टर- नाजनी रिजवी

02/11/2016 को प्रकाशित