अधूरे पड़े शौचालय अम्बेडकर नगर ब्लाक भीटी में#swachhbharat

जिला अम्बेडकरनगर, ब्लाक भीटी, गांव वाजितपुर हियां के कइव मनई कै शौचालय आधा अधूरा बना बाय। कौनौ कै गड्ढा नाय खोदागा बाय तौ कउनौ मा सिर्फ दिखावटी शीट लगाय दीन गए बाय। तौ कउनौ कै दीवार खड़ी कइके छोड़ दीनगए। सिर्फ इहै नाय शौचालय बनावै कै मसाला भी कमजोर लगावा गा बाय। येही सब शिकायत के तहत गांव कै मनई अधिकारी से जांच कै मांग करिन।जिला अम्बेडकरनगर, ब्लाक भीटी, गांव वाजितपुर हियां के कइव मनई कै शौचालय आधा अधूरा बना बाय। कौनौ कै गड्ढा नाय खोदागा बाय तौ कउनौ मा सिर्फ दिखावटी शीट लगाय दीन गए बाय। तौ कउनौ कै दीवार खड़ी कइके छोड़ दीनगए। सिर्फ इहै नाय शौचालय बनावै कै मसाला भी कमजोर लगावा गा बाय। येही सब शिकायत के तहत गांव कै मनई अधिकारी से जांच कै मांग करिन। रामसबद कै कहब बाय कि कुछ पैसा हम लगायन अउर कुछ प्रधान दिहिन तब शौचालय बना। गीता गांव वाजितपुर कै कहब बाय कि शीट बैठाय दीन गए बाय लकिन गड्ढा न बनै से इस्तेमाल नाय कीन जात।  अयोध्या प्रसाद निषाद कै कहब बाय कि हम खुद से गड्ढा खोदेंन। आधा अधूरा देखाय के आपन काम पूरा कै लिहिन अब जनता चाहे इस्तेमाल करै या नाय। नाम खातिर बनिगा शौचालय।किरण वाजितपुर बताइन कि शौचालय बनावय वाले आय रहे लकिन हमरे बनवायन नाय। सही मसाला नाय डारत रहे। रामतेज कै कहब बाय कि एक सौ सत्ताइस शौचालय बना बाय। कउनौ कै दीवाल खड़ी बाय कउनौ कै उहौ नाय। कागज़ मा पूर्ति होइगै। एकै जांच हुवय का चाही।  एडीओ पंचायत पंकज मोहन मिश्रा कै कहब बाय कि वेसलाइन सर्वे चलत बाय जेकै नाय बना बाय या अधूरा बाय 2018 तक पूरा कराय जाये।

रिपोर्टर- प्रियंका

27/06/2017 को प्रकाशित